छाङ्वन दक्षिण कोरिया सविना कार्की
नेपालीहरूको महान् पर्व शुभ दीपावली तथा तिहारको अवसरमा दक्षिण कोरियाको ख्याङ्साङनाम्दोमा आयोजना हुन गइरहेको विशेष ‘नेपाली फुड फेस्टिभल’को तयारी तीव्र पारिएको छ।
कार्यक्रमलाई भव्य र स्वादिष्ट बनाउनका लागि नेपाली परामर्शदाता तथा 경남이주민센터 का नेपाली कार्यक्रम प्रमुख योगिता गौतम किम युमी लगायत आयोजक टोलीले फेस्टिभलमा पकाइने नेपाली परिकारका लागि आवश्यक fresh सागसब्जी, मसला र अन्य खाद्य सामग्री खरिद गरी तयारी सुरु गरिसकेका छन्।
दीपावलीको खुसी साटासाट गर्ने, देउसी–भैलो गाउने र परदेशमा नेपाली संस्कृतिको मिठास प्रस्तुत गर्ने उद्देश्यले आगामी नोभेम्बर ८, आइतबारका दिन गखङ्साङनाम-दो आप्रवासी केन्द्र (경남이주민센터) को दोस्रो तल्लामा यो उत्सव आयोजना हुँदैछ।
फेस्टिभलका मुख्य आकर्षणहरू:
नेपाली मौलिक परिकारहरू: ब्यानरमा उल्लेख भए अनुसार सेलरोटी, नेपाली शैलीको सुँगुरको मासुको परिकार (돼지고기 요리), बासमती चामलको फ्लाउ (밥/पिलाउ), नेपाली अचार (네पाल식 김치), ताजा फलफूल र जुसहरू उपलब्ध गराइनेछ।
सांस्कृतिक रौनकता: तिहारको शुभकामना आदानप्रदानका साथै देउसी-भैलो र सांगीतिक माहौलमा रमाउने अवसर मिल्नेछ।
आयोजक र सहयोगी निकाय:
यस फुड फेस्टिभल 경남네팔교민회 (ग्याङसाङनाम-दो नेपाली समाज) र 경남이주민센터 (ग्याङसाङनाम-दो आप्रवासी केन्द्र) को संयुक्त आयोजनामा हुन लागेको हो। कार्यक्रमलाई 경상남도외국인주민지원센터 को सहकार्य र STX 복지재단 (एसटीएक्स कल्याण फाउन्डेसन) को मुख्य सहयोग/प्रायोजन रहेको छ।
कार्यक्रमको विस्तृत विवरण:
मिति: २०२६ नोभेम्बर ८, आइतबार (2026/11/08)
समय: बिहान ११:०० बजेदेखि दिउँसो ३:०० बजेसम्म
स्थान: 경남이주민센터 2층 (창원시 의창구 사화로18번길 30)
सामग्री व्यवस्थापनमा खटिनुभएकी परामर्शदाता योगिता गौतमले परदेशको व्यस्तताका बीच आफ्नै स्वाद, संस्कृति र पर्वको अनुभूति लिन ग्याङसाङनाम-दो तथा आसपासका क्षेत्रमा कार्यरत सम्पूर्ण नेपाली दाजुभाइ तथा दिदीबहिनीहरूलाई परिवार र साथीभाइसहित उपस्थित भई कार्यक्रमको शोभा बढाइदिनुहुन हार्दिक निमन्त्रणा गर्नुभएको छ।
प्रतिक्रिया
